Búgingi kúni «Qazsýshar» RMK Túrkistan fılıalynyń sý nysandarynyń jaǵdaıy turaqty baqylaýda. Qaýipsiz sý tasqyny kezeńin ótkizý boıynsha is-sharalar turaqty túrde júrgizilip otyr.
Bıylǵy jyldyń 31 naýryzynda tolassyz jaýǵan jańbyr áserinen «Qapshaǵaı» sý qoımasyna 32,14 mln. m3-ge deıin sý jınalǵan bolatyn. Osyǵan baılanysty «Qazsýshar» RMK Túrkistan fılıanynyń mamandary, Báıdibek aýdanynyń jergilikti ákimshiligi, Túrkistan oblysy aýyl sharýashylyǵy basqarmasy, sondaı-aq tótenshe jaǵdaılar departamentiniń qyzmetkerleri shuǵyl tekserý jumystaryn júrgizip, baqylaýǵa aldy.Aıta ketsek, Báıdibek aýdanyndaǵy «Qapshaǵaı» sý qoımasynyń jobalyq kólemi 34,5 mln. m3. 31 naýryz kúngi tańǵy málimet boıynsha nóser jańbyrdan keıin qoımaǵa kelgen sý kólemi 47,4 m3/sek bolyp, jınalǵan sý kólemi 32,14 mln. m3-ge jetti. «Qapshaǵaı» sý qoımasynyń 31 naýryzdaǵy saǵat 17:00-degi málimetke sáıkes jaǵdaıy sý qoımasyna kelgen sý kólemi 20,0 m3/sek, jınalǵan sý kólemi 33,7 mln. m3. Qapshaǵaı sý qoımasyndaǵy bógette sý ótkizý qabileti sekýndyna 120,0 tekshe metr bolatyn qalypty sý deńgeıinde (NPÝ) óz erkimen sý tastaıtyn apatty qashyrtqy bar.Túrkistan magıstarldy kanaly «Turan sý» sharýashylyq júrgizý quqyǵyndaǵy memlekettik kommýnaldyq mekemesi menshiginde. Búgingi kúngi tańǵy málimet boıynsha Bógen sý qoımasynan Túrkistan magıstraldy kanalyna shyqqan sý kólemi 40,0 m3/sek. Qapshaǵaı sý qoımasynan Túrkistan magıstarldy kanalyna tónetin eshqandaı qaýip joq. Qapshaǵaı sý qoımasy men Túrkistan magıstraldy kanalynyń ara qashyqtyǵy 65 shaqyrym. Túrkistan magıstraldy kanalyna Qapshaǵaı sý qoımasynan shyqqan sý kóleminiń jetý ýaqyty 2 táýlikti quraıdy. Qazirgi tańda eshqandaı qaýip qater joq. Arnaıy tehnıka tekserildi jáne ınertti materıaldar qory jasaqtaldy, baılanys quraldarymen tolyq qamtamasyz etildi. Sý qoımasynyń tehnıkalyq jaǵdaıy qanaǵattanarlyq. Táýlik boıy kezekshilik uıymdastyrylyp, sý qoımasy tolyq baqylaýǵa alyndy. Tıisti mamandar kestege sáıkes jumys isteýde.