Memleket basshysynyń tóraǵalyǵymen elimizdegi koronavırýs indetine baılanysty epıdemıologııalyq ahýal jónindegi keńes ótip jatyr, dep habarlaıdy Egemen.kz.
«Jalpy alǵanda, qazirgi jaǵdaıymyz jaqsy emes. Tipti, ahýal óte kúrdeli dep aıtýǵa bolady. Koronavırýs indeti qaıta órship keledi. Muny Qazaqstan ǵana emes, kóptegen elder bastan ótkerýde. Onyń negizgi sebebi vırýstyń mýtasııalanǵan jańa shtamdary bolyp otyr», dedi Prezıdent jıynda.
Onyń aıtýynsha, azamattar men bıznes ókilderi indetten ábden qajyp, sonyń saldarynan saqtyq sharalaryna salǵyrt qaraı bastady. Bul jaǵdaıdy odan beter ýshyqtyrýda.
«Degenmen kóptegen sarapshylardyń aıtýynsha, 2021 jyly jalpy ahýal jaqsaryp, qaıta ósim bolyp, pandemııadan keıin azamattardyń turmys sapasynyń artýyna múmkindikter bar», dedi Q. Toqaev.