Karatındik shekteýlerdi buzýshylyqtardy anyqtaý jáne olarǵa jol bermeý jónindegi mobıldi toptar kúsheıtilgen rejımde jumysyn jalǵastyrýda. Elordada eskertýlerge qaramastan kásipkerlik sýbektileriniń karantın rejımin buzýy kún saıyn tirkeledi. Keıbir mekemeler muny júıeli túrde jasaıdy, dep habarlaıdy Egemen.kz qala ákimdiginiń resmı saıtyna silteme jasap.
2021 jyldyń basynan bastap aýdandyq sanıtarııalyq-epıdemıologııalyq baqylaý basqarmalary shekteý jáne karantın sharalaryn buzǵany úshin jalpy somasy 87 207 029 teńgege 383 jeke, zańdy tulǵalardy ákimshilik jaýapkershilikke tartty.
Ákimshilik jaýapkershilikke birneshe ret tartylǵanyna qaramastan tıisti talaptardy elemegen jáne oryndamaǵan 47 kásipkerlik sýbektisine qatysty Nur-Sultan qalasynyń mamandandyrylǵan aýdanaralyq ákimshilik sotyna 52 materıal jiberildi.
Sot barlyǵy 28 nysannyń qyzmetin toqtatty jáne 5 954 770 teńge somasyna ákimshilik aıyppul saldy.
О́tken táýlikte mobıldi toptar qalada karantındi buzǵan 3 kásipkerlik sýbektisin anyqtady.
Sonymen Esil aýdanynda ornalasqan «Panaehalı» bary demalys kúnderi jumys isteýine tyıym salynǵanyna qaramastan kelýshilerdi qabyldaǵany anyqtaldy. Al qyzmetkerler tekserýshilerge mekemeniń esigin ashpaǵanyn aıta ketken jón.
Karantın rejımin Almaty aýdanyndaǵy «Fantasy» kompıýterlik klýby men Saryarqa aýdanyndaǵy «Benıskıı» bary da buzdy.
Eske sala keteıik, elorda 10 naýryzdan bastap epıdemıologııalyq ahýaldy baǵalaý matrısasy boıynsha «qyzyl» aımaqta ornalasqan. Dárigerler qaladaǵy koronavırýs boıynsha epıdemıologııalyq jaǵdaı turaqsyz bolyp otyrǵanyn atap ótti. Osyǵan baılanysty qala turǵyndary men qonaqtaryna, sondaı-aq kásipkerlik sýbektilerine karantın rejımin qatań saqtaý talap etiledi. Sol sııaqty adam kóp jınalatyn oryndardan aýlaq aýlaq bolyp, maska rejımin jáne áleýmettik qashyqtyqty saqtańyz.