Qazaqstan Ulttyq bankiniń ókilderi Eýrazııalyq ekonomıkalyq komıssııa alqasynyń janyndaǵy Makroekonomıkalyq saıasat jónindegi konsýltatıvtik komıtettiń XVI otyrysyna qatysty, dep jazady Egemen.kz.
Onlaın-sharaǵa EAEO-ǵa múshe memleketterdiń qarjy, ekonomıka mınıstrlikteriniń, sondaı-aq, ortalyq bankterdiń basshylary men olardyń orynbasarlary qatysty. Otyrys EEK Integrasııanyń negizgi baǵyttary jáne makroekonomıka mınıstri Sergeı Glazevtiń basshylyǵymen ótti.
Otyrys barysynda «EAEO-ǵa múshe memleketterdiń 2021–2022 jyldarǵa arnalǵan makroekonomıkalyq saıasatynyń negizgi baǵdarlary» qujatynyń jobasy usynyldy. Baǵdarlamalyq qujat EAEO-ǵa múshe elderdegi ekonomıkalyq daǵdarystyń saldaryn jedel eńserýge baǵyttalǵan. Qujattyń negizgi tarmaqtary makroekonomıkalyq turaqtylyq, kásipkerlik belsendilikti qalpyna keltirý úshin qolaıly jaǵdaıdy qalyptastyrý jáne EAEO ishki naryǵynyń múmkindikterin keńeıtýdi qamtıdy. Otyrys sońynda qujat EAEO organdary deńgeıinde odan ári qaraýǵa usynyldy.
Kezdesý qorytyndysy boıynsha EAEO múshe memleketteri úshin ekonomıkalyq damýdyń turaqtylyǵy ındıkatorlarynyń shekti sandyq mánderinen asyp túsken usynystar ázirlenedi. Usynystar orta merzimdi perspektıvada memlekettik bıýdjetti, memlekettik qaryzdy jáne ınflıasııany turaqtandyrýǵa baǵyttalady.
Sondaı-aq qatysýshylar EAEO-ǵa múshe memleketterdiń tájirıbesi men álemdik tájirıbeni eskere otyryp, ekonomıkalyq damýǵa nysanaly kómektesý, eýrazııalyq ınvestısııalyq jáne ǵylymı-tehnologııalyq konsorsıýmdardy qalyptastyrý mehanızmderi salasyndaǵy zertteýlerdi qamtıtyn 2021–2022 jyldarǵa arnalǵan ǵylymı-zertteý jumystarynyń josparyn maquldady.
Konsýltatıvtik komıtettiń kelesi otyrysy osy jyldyń qazan aıynda ótedi.