Túrkistan oblysynyń polıseıleri birneshe kókpar oıynyn toqtatty, dep habarlaıdy Egemen.kz polisia.kz saıtyna silteme jasap.
Túrkistan oblysy Bas memlekettik sanıtarııalyq dárigeriniń qaýlylarynyń negizinde, karantın rejımi kezinde birqatar shekteý sharalary qoıylǵan. Osy baǵytta Ordabasy APB-nyń polıseıleri karantın rejımin jáne shekteý sharalaryn saqtaý úshin qurylǵan toppen birge profılaktıkalyq jumystardy turaqty túrde júrgizýde. Osyndaı kezekti reıdtik shara barysynda, kúndizgi 15:30 shamasynda Saryaǵash aýdanynyń aýyldarynyń birinde kókpar oıynynyń ótip jatqany anyqtalǵan. Uıymdastyrylǵan bata kókpar oıyny toqtatylyp, 200-den astam adam tarqatyldy.
Sondaı-aq Otyrar aýdanynda jasyryn túrde kókpar oıyny uıymdastyrylǵan. Atalǵan jıynǵa 150-den astam adam jınalyp, tártip saqshylarynyń tabandy eńbekteriniń arqasynda, der kezinde turǵyndardyń qaýipsizdigi úshin kókpar oıyndary toqtatyldy.
Osyǵan oraı karantın rejımin jáne shekteý sharalaryn saqtamaǵan turǵyndarǵa qatysty is-qujattar jınaqtalyp, zańdy sheshim qabyldaý úshin QR QK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha jınaqtalǵan qujattar aýdandyq SEBB-na joldandy.
О́z kezeginde Túrkistan oblysynyń polıseıleri azamattardy karantın rejımin qatań saqtaýǵa, medısınalyq betperde kııýge jáne áleýmettik qashyqtyqty saqtaýǵa shaqyrady.