Senattyń jalpy otyrysynda depýtat Nurlan Beknazarov 674 shetel azamaty bes jylǵa deıin Qazaqstan aýmaǵyna kirý quqyǵynsyz sot tártibimen elden shyǵarylǵanyn málimdedi, dep habarlaıdy Egemen.kz
«Mysaly, pandemııa kezeńinde shekaralar jabylyp, kóptegen mıgrant shekteýlerge baılanysty Qazaqstan Respýblıkasynyń aýmaǵynan shyǵa almady, soǵan baılanysty Úkimettiń arnaıy qaýlysy qabyldanyp, elde bolý merzimi uzartyldy. Jalpy, osy jyldyń qańtar-aqpan aılarynda halyqaralyq kóshi- qon uıymymen birlesip júrgizilgen jumys nátıjesinde 133 myń mıgrant óz eline oraldy. О́z erkimen ketýden bas tartqan jáne tergeý organdarynan jasyrynǵan 674 shetel azamaty bes jyl boıy Qazaqstan aýmaǵyna kirý quqyǵynsyz sot tártibimen elden shyǵarylyp, zańsyz kóshi-qon uıymdastyrǵany úshin 27 qylmystyq is qozǵalǵan», dedi Nurlan Beknazarov.
Onyń aıtýynsha, kóshi-qon elimizdegi ulttyq qaýipsizdikke, áleýmettik – ekonomıkalyq jaǵdaıǵa tikeleı áser etetin sala bolǵandyqtan, kóshi-qon prosesterin rettep, zańsyz kóshi-qonnyń aldyn alý úshin tıisti quqyqtyq negizder jasaý óte mańyzdy.