Túrkistan oblysynyń azamatynan zańsyz alyp júrgen tapansha tárkilendi, dep habarlaıdy Egemen.kz Polisia.kz saıtyna silteme jasap.
Keles-Shymkent arasyna qatynaıtyn taksıler turatyn turaqta, bir kólik júrgizýshisiniń basqalarǵa tapanshasyn kórsetip turǵan beınejazbasy quqyq qorǵaýshylar nazaryna ilikken. Qala turǵynynda qarýdyń qaıdan júrgeni, zańdy nemese zańsyz ekendigin anyqtaý maqsatynda sol aýmaqqa belgilengen ýchaskelik ınspektor oqıǵa ornyna shyǵyp, izdestirý jumystaryn júrgizgen. Keles APB Jergilikti polısııa qyzmetiniń ýchaskelik polısııa ınspektory Meıirjan Tastemir kúmándi «Nıssan Tıano» markaly kólikti tabady. Onyń kóligin tekserý kezinde zańsyz «AGENT Revolver» markaly tapansha atys qarýy tabylyp, aıǵaqty zat retinde tárkilenip alynǵan.
Atalǵan jaıt QR QK-niń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha tirkeldi. Kúdikti turǵyn óz jaýabynda qarýdy taýyp alǵanyn aıtqan. Qujatsyz qarý tárkilenip, sot-ballıstıkalyq saraptama taǵaıyndaldy. Saraptama qorytyndysymen tapanshanyń gazdy atys qarý ekendigi belgili boldy.