15 sáýir kúni saǵat 15:50-de «Toyota Land Cruiser» markaly avtokólik júrgizýshisi Áýezov kóshesindegi úıdiń aýlasynda velosıpedpen oınap júrgen 15 jastaǵy kámelettik jasqa tolmaǵan balany qaǵyp ketti, dep habarlaıdy Egemen.kz Pavlodar oblystyq polısııa departamentine silteme jasap.
Jol apaty saldarynan denesi kógerip, terisi sydyrylǵan jasóspirim aýrýhanaǵa jetkizildi. Ol dárigerlerdiń qaraýynan keıin úıine jiberilgen.
«Atalǵan fakt tirkeldi. Tekserý jumystary júrgizilýde, arnaıy saraptamalar taǵaıyndaldy», dep qosyp ótti oblystyq polısııa departamentinen.