Túrkistan oblysy boıynsha jalpy 900-den astam mektepte 500 myńǵa jýyq oqýshy bilim alýda. Onyń ishinde túlekter sany – 27 410. Olardyń 22 myńnan astamy UBT tapsyrýǵa nıet bildirip otyr, dep habarlaıdy Egemen.kz.
Bilim jáne ǵylym mınıstrliginiń «2021 jylǵy 1 naýryz ben 30 maýsym aralyǵynda ótkiziletin Ulttyq biryńǵaı testileýdi uıymdastyrý týraly» 26 aqpandaǵy buıryǵyna sáıkes oblysta 5 aýdan, qala jáne Shymkent qalasynda ornalasqan «USTUDY» testileý ortalyqtarynda UBT kompıýterlik formatta ótkiziledi. Testileý ortalyqtarynda 25 aýdıtorııada 620 oryn daıyndalǵan. Oqýshy UBT tapsyratyn aýdan, qalany óz qalaýy boıynsha tańdaıdy. Barlyq testileý pýnktteri teplovızorlarmen, medpýnkttermen, zararsyzdandyrý tonnelderimen, sanıtaızerlermen, dezınfeksııalaýshy kilemshelermen, betperdelermen, qolǵaptarmen qamtamasyz etilgen.
Aıta keteıik, 2019-2020 oqý jylynda 11-synypty 24658 oqýshy bitirdi. Oblys boıynsha mektep bitirýshileriniń 18394-i (qazaq tilinde – 17070, orys tilinde – 1320, aǵylshyn tilinde - 4) test tapsyrýǵa ótinish bergen bolatyn. UBT-ny 17701 oqýshy tapsyrǵan.