Áleýmettik jelilerde jerimizdi qorǵaýǵa shaqyrǵan vıdeolar tarap jatyr. Ulttyq qaýipsizdik komıtetiniń habarlaýynsha, onda «Qalqan-2021» oqý-jattyǵýlarynda túsirilgen kadrlar kórsetilgen, dep habarlaıdy Egemen.kz stopfake.kz saıtyna silteme jasap.
«2021 jylǵy 17 sáýirde jekelegen elektrondyq aqparattyq resýrstarda Atyraý oblysynda ótip jatqan aksııalar týraly vıdeo tarala bastady. Ulttyq qaýipsizdik komıteti bul aqparattyń shyndyqqa janaspaıtynyn resmı túrde habarlaıdy. Áleýmettik jelilerde taraǵan vıdeoda «Qalqan-2021» oqý-jattyǵýlary kórsetilgen. Osyǵan baılanysty UQK baspasóz qyzmeti otandyq BAQ redaksııalarynan mundaı materıaldardy qaıta jarııalaǵanda nemese oǵan silteme jasaǵan kezde Ulttyq qaýipsizdik komıtetine júginip, aqparatty rastaýdy nemese túsinikteme alýyn suraıdy. Sondaı-aq UQK jalǵan aqparat taratpaýǵa shaqyrady», delingen habarlamada.