Túngi jarysqumarlar Almatynyń qaq ortasynda ustaldy, dep habarlaıdy Egemen.kz Polisia.kz saıtyna silteme jasap.
Arnaıy is-sharany qalalyq polısııanyń qatardaǵy bólimderiniń kúshteri júrgizdi.– Biz túngi jarys áýesqoılary arasynda eń tanymal oryndardy tańdadyq jáne anyqtadyq, onda arnaıy jergilikti reıdter ótkizý týraly sheshim qabyldandy. Sondaı-aq turǵyndardyń ýaıymdaryn negizge aldyq, tez jáne qatty aıdaý arqyly áýesqoılar olardyń tynyshtyǵyn buzady. Osylaısha keshe keshkisin bizdiń aýdannyń aýmaǵynda naqty júrgizilgen is-shara jumystarynyń nátıjesinde 30-dan astam jol erejelerin buzǵan turǵyn anyqtaldy. Atap aıtqanda, tynyshtyqty buzýdyń bes faktisi, mas kúıinde kólik quralyn basqarýdyń eki faktisi, avtokóliktiń rezonatoryn gúrildeýishke qondyrý arqyly kólik quralyn zańsyz jabdyqtaýdyń jeti faktisi, júris bóliginen ótý erejesin buzýdyń jeti faktisi, memlekettik tirkeý nómirlik belgisiz kólik quralyn basqarýdyń úsh faktisi jáne t.b. anyqtaldy. Toǵyz kólik quraly mamandandyrylǵan aıyppul turaǵyna qoıyldy, – dedi Medeý aýdandyq Polısııa basqarmasynyń bastyǵy Dáýren О́tebaev.
Sonymen qatar polıseıler qalada gúrildeýishterge ornatylǵan rezonatorlar, tikeleı aǵyny bar kólikterdiń jumysyna baqylaýdy kúsheıtkenin eske saldy. Bul kólikterdiń qozǵalysy kóbinese agressıvti, ádette, únemi azamattardyń tynyshtyǵyn buzatyn sıgnaldarmen jáne basqa da dybystarmen júredi. Tájirıbe kórsetkendeı, avtokólik júrgizýshileriniń bul bóligi ásirese túnde belsendi bolady. Turǵyn úıleri qalanyń úlken kóshelerine jaqyn ornalasqan turǵyndar eń kóp zardap shegedi.
Osyǵan baılanysty mamandandyrylǵan batalon men jol-patrýldik polısııa polkiniń jeke quramy kóliktiń osy túrin anyqtaýǵa jáne ustaýǵa, zańǵa sáıkes sharalar qabyldaýǵa baǵyttalǵan.