Almatyda alaıaqtyq jasady degen kúdikke ilingen sýdıa Svetlana Jolmanovadan 4,5 mıllıon dollardan astam qarjy tárkilengeni jaıly habar tarady. Sýdıanyń aqshany qaıda jasyrǵanyn QR Prezıdenti janyndaǵy Ulttyq qoǵamdyq senim keńesiniń múshesi Aıgúl Orynbek jarııalady, dep habarlaıdy Egemen.kz Azattyq Rýhy saıtyna silteme jasap.
«Medeý aýdandyq sotynyń sýdıasy Svetlana Jolmanovany tintý kezinde kabınetinen 4 500 dollar, úıin tintý barysynda 2 800 000 dollar, jeke kóliginen 600 000 dollar aqsha tabylǵan. Zastroıshıkten - 1 180 000 dollar para alǵan», dep jazdy quqyq qorǵaýshy, Ulttyq qoǵamdyq senim keńesiniń múshesi Aıgúl Orynbek feısbýktegi paraqshasynda.
28 sáýirde Almaty qalalyq sotynyń ishki qaýipsizdik bólimi men UQK departamenti Medeý aýdandyq sotynyń sýdıasyna qatysty tekserý jumystaryn júrgizetinin habarlady. Ustalǵan sýdıaǵa qatysty UQK departamenti Qylmystyq kodekstiń 190-baby 4-bólimi 2-tarmaǵy boıynsha sotqa deıingi tergeý jumystaryn bastady.
Almaty qalalyq sotynyń baspasóz qyzmeti joǵarydaǵy aqparatty joqqa shyǵardy. Qalalyq sottyń málimdeýinshe, sýdıanyń qyzmettik kabınetinen 10 000 dollar tabylǵan, al úıinen eshteńe tabylmaǵan.
QR Joǵarǵy sot tóraǵasynyń buıryǵymen sýdıanyń ókilettigi toqtatyldy. Almaty qalalyq soty jalǵan aqparat taratqan adamdardy jaýapqa tartý týraly Almaty qalasynyń prokýratýrasyna shaǵymdandy.
Eske sala keteıik, Almaty qalalyq sotynyń ishki qaýipsizdik bólimi men UQK departamenti Medeý aýdandyq sotynyń sýdıasyna qatysty tekserý jumystaryn júrgizdi.