Qazaqstan elshisi Erbolat Sembaev Italııanyń prezıdenti Serdjo Mattarellaǵa senim gramotalaryn tapsyrdy, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.
Kvırınale saraıyndaǵy saltanatty rásimnen keıin olardyń ekijaqty kezdesýi ótip, Qazaqstan elshisi Erbolat Sembaev Prezıdent Qasym-Jomart Toqaevtyń jyly lebizin jetkizdi. Sondaı-aq taraptar Qazaqstan men Italııa arasyndaǵy saıası, saýda-ekonomıkalyq yntymaqtastyqtyń negizgi máselelerin talqylady.
S. Mattarella óz kezeginde áriptesine ystyq dostyq yqylasyn jetkizip, Qazaqstan halqyna beıbitshilik pen órkendeý tiledi.
Kezdesý sońynda otandyq dıplomat ekijaqty yntymaqtastyqty odan ári nyǵaıtýǵa bar kúsh-jigerin salýǵa daıyn ekenin bildirdi. Italııa prezıdenti óz tarapynan elshini dıplomatııalyq mıssııasynyń bastalýymen quttyqtap, aldaǵy jumysyna sáttilik tiledi.