Qala ákimi Baqytjan Saǵyntaev «Almaty» TA-daǵy Akimat live baǵdarlamasynyń tikeleı efırinde qalalyqtardyń suraqtaryna jaýap bere otyryp, jastarǵa turǵyn úı alý úshin jeńildetilgen nesıe berý baǵdarlamasy keler jyly da jalǵasatynyn aıtty.
Ákimniń málimetishe, 2021 jyldyń 10 - 31 naýryzy aralyǵynda «Almaty jastary 3.0» qalalyq baǵdarlamasy aıasynda ótinishter men qujattar qabyldandy, munda bastapqy jáne qaıtalama naryqta baspana alý úshin 5 paıyzdyq jeńildikpen nesıe beriledi.
Baǵdarlama aıasynda 1000 jas otbasylardy qamtý josparlanýda, olardyń arasynda eń kóp suranysqa ıe mamandyqtardyń azamattary bar, olar: medısına qyzmetkerleri, muǵalimder, JOO-nyń jáne ǴZI-nyń oqytýshylary men ǵylymı qyzmetkerleri, mádenıet jáne sport salasynyń qyzmetkerleri, jýrnalıster, jazýshylar, halyqty áleýmettik qorǵaý salasynyń jáne quqyq qorǵaý organdarynyń qyzmetkerleri.
Buryn habarlanǵandaı, 2021 jyly túsken barlyq 9 741 ótinishtiń 5 913-i oń sheshildi. 30 sáýirde iriktelgen alǵashqy 500 qatysýshyǵa ótinim saıtynda joldamalar berildi. Kelesi aptada, 7 kúnnen soń kelesi 500 joldama tapsyrylady. Azamattardyń jappaı shoǵyrlanýyn boldyrmaý maqsatynda joldama kezeń- kezeńmen beriletin bolady.