Ýkraına prezıdenti Vladımır Zelenskıı AQSh-tyń memlekettik hatshysy Entonı Blınkenmen AQSh prezıdenti Djo Baıdenmen kezdesý múmkindigin talqylaǵanyn jáne ony Ýkraınaǵa resmı saparmen kelýge shaqyrǵanyn aıtty, dep habarlaıdy Egemen.kz.
«Men AQSh prezıdentin bıyl - Táýelsizdigimizdiń 30 jyldyǵynda Ýkraınaǵa resmı saparmen kelýge shaqyrdym. Bul kezdesýdiń qandaı formatta bolýy múmkin ekenin bilmeımin (AQSh prezıdentimen - avt.eskert.), ol eki elge baılanysty. Qazirgi ýaqytta AQSh prezıdenti bizdiń elden shaqyrtý aldy. Men kezdesý bolatynyna senimdimin, ol eki el úshin de mańyzdy», dedi Zelenskıı Blınkenmen kezdesý qorytyndylary týraly brıfıng barysynda.
Blınken Baıdendi Ýkraınaǵa shaqyrý usynysyna jaýap retinde AQSh prezıdenti múmkindik bolǵan kezde kele alatynyn aıtty.
Zelenskıı AQSh-tyń memlekettik hatshysymen Qara jáne Azov teńizderindegi qaýipsizdik máselesin talqylaǵanyn aıtty.
Sondaı-aq Blınken Ýkraına Reseı tarapynan «arandatýshylyqqa boı aldyrmaıtynyn» aıtty.