Atyraýdyń turǵyny Jaıyqqa batqan 8 jasar balany qutqaryp qaldy.Oqys oqıǵa keshe, 9 mamyrda bolǵan. Saǵat 15:16-da Rakýsha eldi mekeniniń turǵyny oblystyq jedel járdem stansasyna 8 jastaǵy balanyń sýǵa batqany týraly habar bergen, dep jazady Egemen.kz
Keıinnen bir top balanyń Jaıyq ózenine shomylýǵa barǵany anyqtalǵan. Onyń biri sýdan shyǵa almaı qalǵan. Jaıyqqa batqan balany sol mańnan ótip bara jatqan júrginshi qutqaryp, dárigerler kelgenge deıin alǵashqy medısınalyq kómek kórsetken.«Shaqyrtýǵa jedel medısınalyq járdemniń dárigerlik brıgadasy jiberildi. Dárigerler 8 mınýttan keıin shaqyrtý ornyna boldy. Olar kelgenge deıin alǵashqy kómek kórsetilgen. Tekserý kezinde zardap shekken 8 jastaǵy balanyń sýdy kóp mólsherde jutqany anyqtaldy. Dárigerler ony oblystyq balalar aýrýhanasyna jetkizdi», dep málim etti oblystyq densaýlyq saqtaý basqarmasynyń baspasóz qyzmetinen.