Atyraý oblysynda koronavırýs ınfeksııasyna qarsy vaksına saldyrǵandar sany 44 707 adamǵa jetti.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, sońǵy eki kúnde – 15-16 mamyrda 812 turǵyn vaksına alǵan.
«Bıylǵy 1 aqpan-17 mamyr aralyǵynda 44 707 adam «Spýtnık V», «Qazvac», «Hayat-Vax» vaksınalarynyń I komponentin saldyrdy. Vaksınalardyń II komponenti 14 486 adamǵa egildi. Qazir óńirde 36 stasıonarlyq, 10 jyljymaly vaksınalaý beketi jumys isteıdi» dep habarlady basqarmanyń baspasóz qyzmeti.