Buǵan deıin zań buzyp, esepte turǵan sottalýshy jaza tártibin saqtamaǵany úshin temir torǵa toǵytyldy, dep habarlaıdy Egemen.kz.
Probasııalyq esepte turǵan Kókpekti aýdanynyń 47 jastaǵy turǵyny segiz aı buryn kámeletke tolmaǵan balalaryn kútip-baǵýǵa qatysty mindetterin oryndamaǵany úshin isti bolyp, bir jylǵa bas bostandyǵy shektelgen edi.
Kókpekti aýdandyq №1 probasııa qyzmetiniń habarlaýynsha, bul joly ol mas bolyp, qoǵamdyq tártipti birneshe ret buzǵan. Sondaı-aq sotpen taǵaıyndalǵan májbúrli jumystarǵa úsh ret shyqpaǵan.
Azamatty esepke alý kezinde oǵan probasııa qyzmetkerleri jazany oryndaý tártibin, sotpen júktelgen mindetter men probasııalyq baqylaýdyń sharttaryn túsindirgen. Jaza tártibin buzǵan jaǵdaıda bas bostandyǵynan aıyrylatynyn da eskertken. Tipti, kómek retinde aqyly-qoǵamdyq jumysqa ornalastyrǵan. Alaıda, kókpektilik azamat tártipke baǵynbaǵan. Endi shekteý jazasy 4 aı 6 kún merzimge bas bostandyǵynan aıyrý jazasyna aýystyrylyp, túzeý mekemesine jiberildi.