Qyzylorda qalalyq polısııa basqarmasy bastyǵynyń atyna jergilikti turǵyndar tergeýshige alǵysyn bildirip, hat joldap otyr, dep habarlaıdy Egemen.kz.
Qyzylorda qalasynyń eki turǵyny osy jyldyń sáýir aıynda nesıe alýǵa jáne oqýǵa túsirýge kómek beremin dep alaıaqtyq jolmen 1 500 000 teńge shyǵyn keltirgen jerlesteriniń ústinen aryzdanǵan bolatyn.
Tergeý barysynda aıyptalýshy aqıqatty burmalaýǵa tyrysyp, kóptegen quıtyrqy áreketterge barypty. Soǵan qaramastan, tergeý jumystary uzaqqa sozylmaı, qylmystyq is sotqa joldanǵan. Bul iske tergep-tekserý júrgizgen Qyzylorda qalasy Polısııa basqarmasynyń tergeýshisi, polısııa aǵa leıtenanty Ázız Buharbaı. Tergeý salasynda qyzmet atqarǵanyna tórt jyl tolǵan Ázız osy kezge deıin ol birneshe qylmysty ashyp, halyqtyń alǵysyna bólenip júrgen polıseı. Osy qylmysqa tergep-tekserý júrgizip, isti sońyna deıin aparyp óziniń naǵyz maman ekendigin taǵy bir márte dáleldedi.
Tájirıbeli tergeýshiniń qyzmetine rıza bolǵan turǵyndar onyń qurmetke laıyq ekenin atap ótip, basqarma bastyǵy Nurlan Aǵadilov pen basqarma bastyǵynyń tergeý jónindegi orynbasary Sáken Syzdyqqa da alǵysyn bildirdi.