25 mamyr kúni Atyraý oblysy Qurmanǵazy aýdanyndaǵy Sharon ózenine jasóspirim batyp ketti, dep habarlaıdy Egemen.kz.
Belgili bolǵandaı, bir top jasóspirim ózenniń jaǵasyna oınaýǵa barǵan. О́zenge shomylǵandardyń ishinde 7-synypty bitirgen jasóspirim sýdan shyqpaı qalǵan.
«Bul týraly aýdandyq tótenshe jaǵdaılar bólimine keshki saǵat 19:45-te habar tústi. Súńgýirler oblys ortalyǵynan shaqyrtyldy. Súńgýirler kelgenge deıin jergilikti turǵyndar men balyqshylar, polısııa men tótenshe jaǵdaılar bólimderiniń qyzmetkerleri izdestirý júrgizdi. Túngi 23:00-de izdeý jumysy toqtatyldy. Biraq, sýǵa batqan jasóspirimniń týystary izdestirýdi jalǵastyrdy. Olar 26 mamyrda saǵat 00:30-da ózennen jasóspirimniń denesin alyp shyqty», dedi Qurmanǵazy aýdandyq tótenshe jaǵdaılar bóliminiń bastyǵy Talǵat Sansyzbaev.