Álemdegi eń iri ekonomıkalardyń basym kópshiliginde korporatıvti bankrottyq sany ótken jyly qysqarypty. Bul týraly Dun & Bradstreet aqparattyq kompanııasy habarlaıdy, dep jazady Egemen.kz.
Memlekettik qoldaýdyń aýqymdy sharalary saldarynan kompanııalardyń kiristeri men paıdasy, ásirese shaǵyn bızneste ótken jyly kúrt tómendegenimen, bankrottyqtyń aldyn alýǵa nemese keıinge qaldyrýǵa múmkindik berdi.
Birqatar jaǵdaılarda, boryshkerlerge qatysty bankrottyq isin qozǵaý jaı maǵynasyz bolyp shyqty, nesıe berýshiler tólem qabiletsiz qonaqúılermen, krýızdik kompanııalarmen, kınoteatrlarmen nemese meıramhanalarmen jumys isteı almady. Nátıjesinde Fransııada korporatıvtik bankrottyqtardyń sany jyl sońynda 38,1%-ǵa tómendep, 32 myń 184-ke jetti, bul sońǵy 30 jyldaǵy eń tómengi kórsetkish; Japonııada - 7,3%-ǵa, 7 myń 773-ke deıin, 1989 jyldan bergi tómen deńgeı, Ulybrıtanııada - 26,8%. Birqatar salalarǵa bankrottyqqa moratorıı kúshine engen Reseıde sottar 2020 jyly 9 931 kompanııany tólem qabiletsiz dep tanydy, bul 2019 jylmen salystyrǵanda 19,9%-ǵa az. Osy kezeńdegi quldyraý 14,7% qurady. Atap aıtqanda, AQSh-ta úsh toqsannyń qorytyndysy boıynsha bankrottyq 11,9%-ǵa, Germanııada 13,1%-ǵa tómendedi.
Tek Portýgalııa, Bolgarııa, Polsha, Chehııa, Shvesııa, Gonkong jáne Taıvanda ótken jylmen salystyrǵanda bankrottyqtyń ósýi baıqaldy. Sarapshylar 2021 jyly qyzmet kórsetý salasynda bankrottyq sanynyń kóbeıetinin aıtyp otyr.