Qazaqstan Respýblıkasy Strategııalyq josparlaý jáne reformalar agenttigi Ulttyq statıstıka bıýrosynyń jáne «Halyq sanaǵy-2021» resmı ókili bolyp Oljas Saılaýbekuly taǵaıyndaldy, dep habarlaıdy Egemen.kz baq.kz saıtyna silteme jasap.
Oljas Saılaýbekuly 1989 jyly ShQO Kókpekti aýdanynda dúnıege kelgen. 2011 jyly Shákárim atyndaǵy SMÝ-in «Jýrnalıstıka» mamandyǵy boıynsha támamdaǵan.
Eńbek jolyn 2010 jyly «Qazaqstan-Semeı» telearnasy jańalyqtar qyzmetiniń redaktory jáne júrgizýshisi bolyp bastaǵan.
Ár jyldary «KTK» telearnasynyń Semeı qalasyndaǵy menshikti tilshisi, «Eýrazııa birinshi arnasynyń» arnaıy tilshisi, «Pendemiz ǵoı» tok-shoýynyń júrgizýshisi, Prezıdenttik pýl jýrnalısi bolyp jumys istegen.
2020 jyldyń tamyz aıynan beri Jambyl oblysy ákiminiń baspasóz qyzmetiniń jetekshisi qyzmetin atqardy.
Otbasyly.