Vaksınalar halyqaralyq sertıfıkat alady

Sonymen qatar elimizde 2 114 112 adam vaksına saldyrǵan. Alaıda halyq arasynda vak­sı­naǵa qatysty dúdámal pikir­lerdiń kóp ekeni ras. Bul týraly «Qoǵamdyq densaýlyq saq­taý ulttyq ortalyǵy» ShJQ RMK Sanıtarlyq-epı­demıologııalyq saraptama jáne monıtorıng ǵylymı-prak­tıkalyq ortalyǵynyń dáriger-epıdemıologi Lena Qasabekova aıtty.

«Koronavırýs ınfeksııa­sy­na qarsy vaksınalaý búkil álem­­de, onyń ishinde bizdiń res­pýb­lıkamyzda óte ózekti prob­lema bolyp tur. Bizdiń mindetimiz – qazirgideı qate ári teris aqparat­tar ýshyǵyp tur­ǵan sátte «ekpe alý kerek pe, kerek emes pe» degen má­se­­lede halyqtyń durys she­shim qabyldaýyna kómek kór­setý. Búginde halyq­tyń basym bóliginiń tym bolma­ǵanda vak­sınanyń bi­rinshi kom­ponen­tin alýy mańyzdy. Búkil álem­de vaksına tapshylyǵy baı­qalatynyn barlyǵy biledi. Biraq osyǵan qaramastan, elimiz­diń turǵyndaryna vaksınanyń úsh túri qoljetimdi. Myqty ımmýnıtet qalyp­ta­sýy úshin vaksınanyń ekinshi kom­ponentin alý kerek ekeni túsi­nikti. Vaksınalaý korona­vırýs ınfeksııasynan qorǵaýǵa kepil bola almaıdy. Vaksına alyp, endigi ýaqytta «tolyqtaı qorǵaldym» dep júrgen adam­darǵa munyń durys emes ekenin aıtqym keledi. Adam ekpe al­sa da bul indetten 100 pa­ıyz qor­ǵalmaıdy. Vaksınalaý koro­navırýstyń aýyr túrinen, ólim-jitimnen qorǵaıdy. Tipti ekpe alǵan adamnyń ózi de aýyryp qalyp, odan ári sol vırýs­ty taratýshy bolýy múmkin», dedi L.Qasabekova.

Qoǵamdyq densaýlyq saq­taý ulttyq ortalyǵy basqar­masy tóraǵa­synyń orynbasary Aına­gúl Qýatbaevanyń aıtýyn­sha, qazaq­standyqtar alyp jat­qan vaksı­nalardy halyqa­ralyq taný sertıfıkatyn alý baǵy­tynda ju­mys júrgizilip jatyr.

«Qajylyqqa saparlaý mer­ziminiń jaqyndaýyna baılanysty vaksınalaý ózekti másele dep esepteımiz. Osyǵan oraı, Densaýlyq saqtaý mınıstrligi ózge de memlekettik organdarmen birlesip, sonymen qatar Dúnıe­júzilik densaýlyq saqtaý uıy­mymen aqyldasa otyryp, Qazaq­standa jasalǵan vaksınany ózge elderde de rastaıtyn sertıfıkatty qabyldaý máselesine qatysty óte belsen­di jumys júrgizip jatyr. Bú­ginde osy baǵytta bizdiń el men Mońǵolııa arasyndaǵy is-shara­lar naqtylanyp jatqanyn atap ótýge bolady. Degenmen bul – bir kúnniń ishinde sheshile salatyn másele emes. Menińshe, qajylyqqa barý naýqany uıym­dastyrylǵanǵa deıin atalǵan máselege qatysty naqty jaýap ala­myz dep oılaımyn. Bul rette qazaq­standyqtarǵa ekpe jasa­lyp jatqan vaksınalardy dáleldeıtin sertıfıkattardy taný jaıynda aıtyp otyrmyn», dedi A.Qýatbaeva.

Elorda turǵyndary men qonaq­taryn koronavırýs ınfeksııasyna qarsy vaksınalaıtyn saýda oryndarynyń tizimin qalanyń oń jaǵalaýyndaǵy «Eýrazııa» saýda úıi tolyq­tyrdy. Munda azamattar vaksı­nanyń eki túrin qabyldaı alady: reseılik Spýtnık-V jáne qytaılyq Hayat-Vah vaksınasy.

«Qala turǵyndary tyǵyz orna­lasqan aýdandardyń birin vaksınalaýmen qamtý úshin «Eýrazııa» saýda úıinde de egý pýnktin ashýdy jón kórdik. Aýdan turǵyndary da atalǵan saýda ornynda ashý týraly birneshe ret ótinish bildirgen. Nur-Sultan qalasy boıynsha sa­nı­­tarlyq-epıdemııalyq baqylaý departamentimen bir­lesip, osy máse­leniń múmkin­digin qaras­tyr­dyq jáne azamat­tarǵa yńǵaıly bolý úshin vaksınalaý pýnktterin ashý týra­­ly sheshim qabyldadyq. Epı­de­mııalyq talaptardy saq­taı otyryp, osy jerde vaksına­laý júr­giziledi», dep atap ótti qala­lyq Qo­ǵamdyq densaýlyq saqtaý basqar­masy.

Vaksınalaý orny «Eýrazııa-3»­ saýda úıiniń 4-qabatyn­da uıym­­dastyrylǵan. Vaksı­nalaý­ǵa tirkeý brıgadanyń keste­sine jáne saýda úıiniń ju­mys rejimine sáıkes saǵat 19.30-ǵa deıin júrgiziledi.

Qoǵamdyq densaýlyq saqtaý basqarmasynyń qoımalaryna demalys kúnderi 6 myń doza mólsherinde otandyq vaksına jetkizildi. Bul 3 myń dozadan eki komponentpen salýǵa arnalǵan.

Búginde elordada I-komponent boıynsha vaksınalanǵan adam­dardyń sany shamamen 170 myń adamdy qurady. Qoımada Spýtnık-V vaksınasynyń I-kom­ponentiniń shamamen 12 myń dozasy jáne qytaılyq Hayat-Vax-tyń I-komponentiniń shamamen 18 myń dozasy bar.