Eýroodaq Shengen aımaǵyn keńeıtip, nyǵaıtýdy kózdep otyr, dep habarlaıdy Egemen.kz.
26 memleketti qamtıtyn vızasyz aımaqqa keleshekte taǵy 3 memleket kirýi múmkin. Brıýssel, sondaı-aq Eýroodaqtyń syrtqy shekarasyn qorǵaýdy kúsheıtýge nıetti. Osy maqsatta Lıvııa, Marokko jáne Túrkııamen mıgranttarǵa baılanysty yntymaqtastyqty nyǵaıtý josparlanǵan.
Budan bólek, Eýrokomıssııa koronavırýs pandemııasy kezinde jabylǵan shekarany ashyp, odaq aýmaǵynda adamdar men taýarlardyń erkin qozǵalýyn qalpyna keltirýdi qolǵa alatynyn aıtady.
«Eýropalyq odaqta belgilengen talaptardy oryndaǵan elder Shengen aımaǵyna kirýi tıis. Qazir vızasyz aımaqqa qosylý úshin qoıylatyn sharttarǵa Bolgarııa, Rýmynııa jáne Horvatııa saı keledi. Eýropalyq odaq keńesi jýyq arada osy máselege qatysty sheshim qabldaýy múmkin», deıdi ishki ister jónindegi eýrokomıssar Ilva Iohansson.