Koronavırýsqa qarsy vaksına alǵan azamattar Ashyq qosymshasynda «jasyl» mártebege ıe bolady. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın halyq aldyndaǵy eseptik kezdesýiniń qorytyndysynda aıtty, dep habarlaıdy Egemen.kz.
«Biz densaýlyq saqtaý mınıstrligimen bul jumysty júrgizip jatyrmyz. Kelesi aptanyń basynda bizde barlyq vaksına alǵan adamdar Ashyq qosymshasynda «jasyl» mártebege ıe bolady. Qazir biz ony Ashyq fýnksııasy dep ataımyz. Sebebi ol birneshe qosymshalarda qoljetimdi bolady», dedi Baǵdat Mýsın BAQ ókiliniń saýalyna bergen jaýabynda.
Sonymen qatar, «Ulttyq aqparattyq tehnologııalar» AQ basqarma tóraǵasy Rostıslav Konıashkın búgingi tańda negizgi ıntegrasııalyq jumystar aıaqtalǵanyn, jumystyń tek sońǵy bólikteri qalǵanyn jetkizdi.