Jelide «ólimge aparatyn» oıyn paıda boldy degen kúdik bar, dep habarlaıdy Egemen.kz.
Bul týraly Jýrnalıst Mıhaıl Kozachkov óziniń Telegram arnasynda jazdy. Sondaı-aq, ol qaıǵyly oqıǵa «Astana Trıýmfy» turǵyn úı kesheninde bolǵan degen boljammen vıdeo tirkedi.
Elordada «Kók kıt» sııaqty jasóspirimderge arnalǵan jańa oıynnyń paıda bolýy týraly jaǵymsyz qaýesetter bar. Iаǵnı, siz deńgeıdi kóterý úshin tapsyrmalardy oryndaýyńyz kerek, bundaı oıyndarda tipti oıynshyǵa ózine-ózi qol jumsaýǵa degen nusqaýlyqtar da berilýi múmkin», deıdi jýrnalıst.
29 mamyr kúni, saǵat 23:18-de Esil aýdandyq Polısııa departamentiniń kezekshi bólimine Qabanbaı batyr dańǵylynyń boıynda 20-shy qabattyń balkonynan kámeletke tolmaǵan bala qulady degen aqparat túsken.
«Jasóspirim alynǵan jaraqattarynyń saldarynan sol jerde qaıtys boldy. Qaıǵyly oqıǵa bolǵan kezde balanyń anasy úıde bolǵany anyqtaldy. Tárkilengen kompıýterdi zertteý kezinde balanyń óz-ózine qol jumsaý sıpatyndaǵy saıttar men oıyndarǵa tirkelýi anyqtalmaǵan. Bul fakt boıynsha qylmystyq is qozǵaldy. Tergeý júrip jatyr», dep habarlady quzyrly organ ókilderi.