Oblystyq densaýlyq saqtaý basqarmasy baspasóz qyzmetiniń málimetinshe, 3 maýsymda «Bazis Construction» JShS-niń 23 jumysshysy túski astan ýlanyp qalǵan, dep habarlaıdy Egemen.kz.
Atalǵan seriktestik gaz-hımııa kesheniniń qurylysyn júrgizip jatyr. Al, tamaqtan ýlanǵan jumysshylar №2 oblystyq ınfeksııalyq aýrýhanasyna jatqyzyldy.
«Infeksııalyq aýrýhanaǵa 3 maýsymda saǵat 19:45-te 21 jumysshy, 4 maýsymda saǵat 01:00-de taǵy 2 adam tústi. Aýrýhanaǵa jatqan naýqastardyń bárinde ýlaný belgileri baıqaldy. Naýqastar bas aınalý, qusý, álsizdik jáne dıareıa belgilerine shaǵymdanǵan» dep málim etti basqarmanyń baspasóz qyzmetinen.
Jumysshylar «Bazis Construction» JShS-niń ashanasynda tamaqtanypty. Olarǵa aldyn ala qoıylǵan dıagnoz – taǵamdyq toksıkoınfeksııa.
«Jumysshylarǵa túski asta manpar, burshaq sorpalary, sıyr etinen daıyndalǵan taǵam, qaınatylǵan shujyq, pisirilgen taýyqtyń tós eti, qaınatylǵan qaraqumyq, makaron, qyryqqabat salaty usynylǵan. Olar ýlanýdy túski aspen baılanystyrady» dep habarlady basqarmanyń baspasóz qyzmeti.