Almaty qalasynyń bas memlekettik sanıtar dárigeri Jandarbek Bekshın karantınge qatysty jańa qaýlyǵa qol qoıdy, dep habarlaıdy Egemen.kz.
Qaýly 8 maýsym kúni, ıaǵnı «sary» aımaqqa kirgennen keıin 7 kúnnen soń kúshine enedi.
Qujatqa sáıkes, Ashyq jobasyndaǵy meıramhana, dámhana jáne kofehana sııaqty qoǵamdyq tamaqtaný nysandary (ǵımarat ishindegi) 50 paıyzǵa deıin toltyrylǵan jaǵdaıda saǵat 07:00-den 02:00-ge deıin jumys isteıdi.
Bul óz kezeginde «sary» jáne «qyzyl» aımaqqa qatysty.
Osyndaı grafık jazǵy alańdarǵa, banket zaldaryna da bekitilgen.
Al fýdkorttar úshin 20 paıyzǵa deıin toltyrylǵan jaǵdaıda saǵat 10:00-den 22:00-ge deıin jumys isteýge ruqsat.