Baltyq jaǵalaýynda ótip jatqan hokkeıden álem chempıonatynyń fınalyna Qazaqstan quramasymen bir topta oınaǵan Fınlıandııa men Kanada hokkeıshileri shyqty.
Qazirgi álem chempıondary pleı-off kezeńinde Chehııa quramasyn 1:0 esebimen jeńse, jartylaı fınalda Germanııa hokkeıshilerinen basym túsip (2:1), fınalǵa joldama aldy. Al Kanada hokkeıshileri pleı-off básekesinde Reseı quramasyn jarystan shyǵaryp jiberse (2:1), jartylaı fınalda AQSh-tan basym tústi – 4:2. Bir qyzyǵy jartylaı fınalda V tobynda óner kórsetken 4 qurama baq synady.
Álem birinshiliginiń qola júldesin AQSh jáne Germanııa quramalary sarapqa salady. Eki qurama arasyndaǵy toptyq kezeńdegi matchta AQSh hokkeıshileri 2:0 esebimen jeńiske jetken bolatyn.