Qostanaı oblysynda aýyl ishine qasqyr kirip, eki adamdy talaǵan. Oqys oqıǵa Meńdiqara aýdanyna qarasty Uzynaǵash eldi mekeninde boldy, dep habarlaıdy Egemen.kz «Qazaqstan» ulttyq telearnasyna silteme jasap.
Aldymen túz taǵysy 19 jastaǵy jigitke shabýyl jasaǵan. Odan keıin sıyr saýýǵa shyqqan áıelge tap beripti. Ekeýiniń de qol-aıaǵyn tistelep tastaǵan. Kómekke kelgen jergilikti turǵyndar qasqyrdy atyp óltirdi. Sol kúni aýyl ishinde odan basqa taǵy bir túz taǵysyn kórgender bar.
«Qasqyrdy atyp aldyq. Biraq endi neshe qasqyr dep aıtý qıyn. Múmkin bir qasqyr bolýy múmkin. Tistelingen 50 jasar kelinshek pen 19 jasar stýdent jigittiń jaǵdaılary jaqsy. Aýdanǵa pervıazka jasatyp, aparyp, ýkaldaryn alyp, úılerinde baqylaýda», dedi Qaraqoǵa aýyldyq okrýginiń ákimi Tileýqabyl Dúısenov.