Elorda turǵyny jaqynda alǵan Kia Rio kóliginiń urlanǵany týraly polısııaǵa shaǵymdanǵan, dep habarlaıdy Egemen.kz.
Ol qulyptaýly mashınany Saryarqa aýdanyndaǵy úılerdiń biriniń aýlasyna qoıady. Biraq tańerteń kóliginiń ornynda joq ekenin baıqaǵan. Jábirlenýshi 2 mıllıon teńgege shyǵyndalǵanyn aıtady. Nur-Sultan qalalyq PD baspasóz qyzmeti habarlaýynsha, tergeýshiler beınebaqylaý kamerasy arqyly avtokóliktiń tańǵy ýaqytta, shamamen saǵat 5:00-de urlanǵanyn anyqtaǵan. Ury mashınanyń esigin arnaıy qurylǵymen emes, kiltpen ashqan. ⠀Kóp uzamaı qylmyskerdiń jeke basy anyqtaldy. Ol Kia-nyń burynǵy ıesi bolyp shyqty. Tergeý kezinde er adam kólikti satqannan keıin kilttiń kóshirmesin alyp qalǵanyn, ári jańa ıesiniń mekenjaıyn bilip alǵanyn moıyndady. Kúdikti kólikti jalǵa alǵan garajǵa jasyryp, keıin Qostanaıǵa jetkizgen. Polıseıler Kia-ny atalǵan qaladan tapty.⠀Endi kólik urlaǵan azamat jeti jylǵa deıin bas bostandyǵynan aıyrylýy múmkin.