Indetke qarsy ekpe bastalǵan aqpannyń alǵashqy kúninen bastap Qyzylorda oblysynda 95963 turǵyn vaksına aldy, dep habarlaıdy Egemen.kz.
Olardyń arasynda aýdandarda turatyndardyń úlesi basym bolyp tur. Oblysta vaksınasııalaý boıynsha 106 egý pýnkti, 39 jyljymaly egý brıgadasy bar. Osyndaı brıgadalar qosymsha oblys ortalyǵyndaǵy «Qorqyt Ata», «Aray City MALL» jáne «Jibek joly» saýda ortalyqtarynda ashylǵan. Mamandar esebinshe karantın talaptary jeńildeýi úshin oblystaǵy segiz júz myńnan astam turǵynnyń 371 myńy ekpe alýy kerek.
8 maýsymnyń ózinde oblys aýmaǵynda 2641 adam ekpe saldyrǵan. Buryndary memlekettik qyzmetkerler men bıýdjettik sala ókilderi kópteý bolsa endi qarapaıym turǵyndar da qaýiptiń aldyn alýdyń qamyn jasaı bastaǵany ańǵarylady.
Kúni keshe oblys ortalyǵyndaǵy «Senim» JShS emhanasyna bardyq. Emhana esebinde 23 204 qala turǵyny bar eken. Onyń 15 229-y eresekter bolsa, dıspanserlik esepte turatyndary 2 851. On segiz jasqa deıingiler sany 7 759 bolyp tur.
Vaksınasııa bastalǵaly beri emhanaǵa qarasty halyqtyń 2049-y birinshi komponentin alypty. Ekinshi bóligin 796 adam saldyrǵan. Munda kelgen adamdy áýeli dáriger qarap, operator onyń derekterin modýldik bazaǵa engizedi. Dáriger ruqsatynan keıin vaksınatorlar ekpe salady. Bastapqyda kúnine 200 adamǵa deıin kelgen kúnderi bolypty. Qazir sál saıabyrsyǵan.
– Osy kúni 60-70 adam ekpe saldyrýǵa keledi. Buryndary vaksına tańǵy saǵat segizden keshki altyǵa deıin salynatyn, qazir onyń ýaqytyn uzarttyq. Kúni búginge deıin emhanadan qyzmet alatyndardyń basym bóligi ekpe saldyrdy. Jyl aıaǵyna deıin olardyń qatary 80 paıyzǵa jetedi degen oıdamyz, – deıdi «Senim» JShS emhanasy bas dárigeriniń orynbasary Sholpan Arǵynbaeva.
Emhanaǵa ekpe saldyrýǵa kelgen turǵynnyń biri Aqyl Shegebaev «Spýtnık V» vaksınanyń birinshi komponentin 18 mamyrda alypty. Jer júzindegi jańalyqty qalt jibermeı qadaǵalap otyratyn ol vaksına alǵan turǵyndary kóbeıgen elderde derttiń tómendeı bastaǵanyn ańǵarypty. Osydan keıin ózi de ekpe alýǵa bel baılaǵan.
Mamandar «Ashyq» qosymshasy iske qosylǵaly beri ekpeniń kerektigin túsingender qatary kóbeıgenin aıtyp otyr. Jalpy vaksına saldyrǵandar qatary 70-80 paıyzdan asqanda derttiń demi qaıtady.