Irak astanasy Baǵdadtyń halyqaralyq áýejaıyna drondar shabýyl jasady. Bul týraly úkimetshil «Qaýipsizdik medıa jelisi» habarlady, dep jazady Egemen.kz Anadoly agenttigine silteme jasap.
Aqparatqa sáıkes, úsh dron bolǵan. Qurban bolǵandar men qıraǵan nysandar jaıly aqparat áli habarlanǵan joq.
Baǵdad áýejaıy aýmaǵynda amerıkandyq áskerler ornalasqan áýe bazasy da bar.
Habarlamada da osy oqıǵadan keıin kóp uzamaı Iraktyń Salah-ad-Dın provınsııasyndaǵy Balad avıabazasynda da osyǵan uqsas jaǵdaı bolǵany týraly jáne shabýyl nátıjesinde eshkim zardap shekpegeni aıtyldy.