Elordanyń monıtorıngtik toptary birneshe aıdan beri kúsheıtilgen rejımde jumys istep, qalanyń kásipkerlik nysandary arasynda karantın buzýshylardy anyqtaýda. О́tken táýlikte Nur-Sultanda karantın tártibi alty mekemede buzylǵany anyqtaldy, dep habarlaıdy Egemen.kz.
Monıtorıngtik toptar tómendegi mekemelerdi ákimshilik jaýapkershilikke tartty.
Saryarqa aýdanyndaǵy Kenesary kóshesi, 8 mekenjaıynda ornalasqan «Adem» qonaq úıiniń qyzmetkerleri jurtshylyqqa betperdesiz qyzmet kórsetti. Bul sátte úı-jaıda 9 adam bolǵan.
Esil aýdanyndaǵy Dostyq kóshesi, 18 mekenjaıynda ornalasqan «Back to Hemingway» bary karantın rejımin buzyp, kalıan shegý qyzmetin usynǵan. Al Turan dańǵyly, 2 mekenjaıyndaǵy «Aura Alanya» túngi klýby tún ortasynan keıin jabyq esik arqyly jumys istedi.
Bas sanıtarlyq dárigerdiń qaýlysynyń buzylýy Azerbaev kóshesi, 47 mekenjaıyndaǵy «One shot» kompıýterlik klýbynda jáne Almaty aýdanyndaǵy Qordaı kóshesi, 50 mekenjaıynda ornalasqan «Home bar» barynda anyqtaldy.
Monıtorıngtik top Baıqońyr aýdanyndaǵy Pýshkın kóshesi, 9 mekenjaıynda ornalasqan «Achıchýk» kafesinde bir ústeldegi qonaqtar sany tym kóp ekenin anyqtady. Bir ústelde 8 adamnan artyq bolǵany belgili boldy.
Jınalǵan materıaldyń bári tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.
Esterińizge sala keteıik, Nur-Sultan epıdemıologııalyq jaǵdaıdy baǵalaý matrısasy boıynsha «qyzyl» aımaqta ornalasqan. Qaladaǵy epıdemıologııalyq jaǵdaı áli de turaqsyz. Elorda turǵyndary men qonaqtary, sondaı-aq kásipkerlik nysandary koronavırýstyq ınfeksııanyń odan ári taralýyn boldyrmas úshin sanıtarlyq normalar men karantın talaptaryn qatań saqtaýy kerek.