Murat Ahmetov QR Sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń basshysy bolyp taǵaıyndaldy, dep habarlaıdy Egemen.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Jańa basshyny QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov tanystyrdy.
Murat Ahmetov S.Kırov atyndaǵy Qazaq memlekettik ýnıversıtetin bitirgen, zań ǵylymdarynyń kandıdaty.
1992-2005 jyldary Pavlodar oblysynyń prokýratýra organdarynda ártúrli laýazymdarda jumys istedi.
2005-2007 jyldary QR Bas prokýratýrasynyń departament bastyǵy.
2007 jyldan 2014 jylǵa deıin Nursultan qalasynyń, Qaraǵandy jáne Soltústik Qazaqstan oblystary prokýratýrasynda basshylyq laýazymdardy atqardy.
2014-2019 jyldary Sybaılas jemqorlyqqa qarsy qyzmettiń Ońtústik Qazaqstan oblysy boıynsha basshysy boldy.
Qazirgi taǵaıyndaýǵa deıin QR Sybaılas jemqorlyqqa qarsy is-qımyl agenttiginiń 1 departamentiniń basshysy boldy.