Túrkııa prezıdenti Rejep Taıyp Erdoǵan 14 maýsymda ótetin NATO sammıtine qatysý úshin jeksenbide Brıýsselge jetti, dep habarlaıdy Egemen.kz.
Brıýsseldegi «Melsbrýk» áýejaıynda Rejep Taıyp Erdoǵandy Túrkııanyń NATO janyndaǵy turaqty ókili Basat О́ztúrik, Túrkııanyń Eýropalyq Odaqtaǵy turaqty ókili Mehmet Kemal Bozaı, Túrkııanyń Brıýsseldegi elshisi Hasan Ýlýsoı jáne NATO-daǵy Túrik áskerı bóliminiń bastyǵy Ismaıl Ýner, Túrkııanyń Brıýsseldegi Bas konsýly Ýmýt Denız jáne basqa da resmı tulǵalar kútip aldy.
Saparlastar arasynda Túrkııa basshysymen onyń áıeli Emıne Erdoǵan, Syrtqy ister mınıstri Mevlút Chavýshoglý, Ulttyq qorǵanys mınıstri Hýlýsı Akar, Prezıdent ákimshiliginiń baılanys keńsesiniń basshysy Fahrettın Altýn, Prezıdenttiń baspasóz hatshysy Ibragım Kalyn, Ádilet jáne damý partııasynyń baspasóz hatshysy Omer Chelık, atalmysh partııanyń Rızedegi depýtaty jáne NATO PA-daǵy túrik delegasııasynyń jetekshisi Osman Ashkın Bak boldy.
Aıta keteıik, NATO sammıti búgin Belgııa astanasy Brıýsselde ótedi.