QR Bilim jáne ǵylym mınıstrligi orta bilim berý uıymdarynda 2021 - 2022 oqý jylynyń bastalýy, uzaqtyǵy jáne kanıkýly kezeńderin bekitý týraly buıryq jobasyn talqylaýǵa usyndy, dep habarlaıdy Egemen.kz.
Atalǵan buıryq jobasy «Ashyq NQA» saıtynda jarııalanǵan.
Buıryq jobasyna sáıkes, 2021 - 2022 oqý jylynyń bastalýy 2021 jylǵy 1 qyrkúıek dep bekitilgen.
Oqý jylynyń uzaqtyǵy 1-synyptarda – 33 oqý aptasy, 2-11 (12)- synyptarda – 34 oqý aptasy.
Meıram kúnderine túsken sabaqtar oqý baǵdarlamasy mazmunynyń kiriktirilýi eskerile otyryp, qaıtalaýǵa arnalǵan saǵattar esebinen kelesi jumys kúnderine aýystyrylady.
Kelesi jylǵy oqý jyly ishindegi kanıkýl kezeńderin kelesideı bólý usynylady:
1-11 (12) – synyptarda:
- kúzgi kanıkýl – 8 kún (2021 jylǵy 25 qazan men 1 qarasha aralyǵynda (ótken jyly 10 kúndi quraǵan)),
qysqy – 11 kún (2021 jylǵy 31 jeltoqsan men 2022 jylǵy 10 qańtar aralyǵynda),
kóktemgi – 11 kún (2022 jylǵy 21-31 naýryz aralyǵynda (ótken jyly 12 kúndi quraǵan));
1-synyptar úshin qosymsha kanıkýl 7 kún (2022 jylǵy 7-13 aqpan aralyǵynda) bolady delinedi.
Buıryq jobasy 28 maýsymǵa deıin talqylaýǵa usynyldy.