Túrkistan oblysynyń turǵyny 147 adamǵa onlaın-nesıe rásimdegen, dep habarlaıdy Egemen.kz.
Bank qyzmetkeri nesıe rásimdeý kezindegi kúdikti áreketterdi baıqap Túrkistan oblysy polısııa departamentine júgingen. Tekserý kezinde jedel ýákilder alaıaqtyqty anyqtaǵan.
Jedel-izdestirý sharalary barysynda krımınaldyq polısııa qyzmetkerleri alaıaqtyq jasady degen kúdiktini ustady. Ol et ónimderin satýmen aınalysatyn Saıram aýdanyna qarasty aýyldardyń biriniń turǵyny bolyp shyqty. Búginde sot ony eki aıǵa qamaýǵa alýǵa sanksııa bergen.
Kúdikti sońǵy úsh aıda ár balaǵa 50 myń teńge áleýmettik kómek alyp berýge ýáde berip, jábirlenýshilerdiń jeke derekterin alǵan. Keıin ol qujattardy paıdalanyp onlaın-nesıe rásimdegen. Osylaısha, polısııaǵa júgingen jábirlenýshiler sany 147 adam bolǵan. Olardyń barlyǵy jergilikti turǵyndar.
«Qazir tergeýshiler sotaldy tergeý júrgizip jatyr. Alaıaqtyq qurbandarynyń sany artýy múmkin. Biz oqıǵanyń barlyq mán-jaıyn anyqtap, keltirilgen zalaldy eseptep jatyrmyz», dedi Túrkistan oblysy PD bastyǵynyń orynbasary Qurmanbek Sahov.
Derek QR QK-niń 190-baby «Asa iri mólsherdegi alaıaqtyq» boıynsha tirkelgen. Tergeý amaldary júrgizilip jatyr.