NATO kúshteri Aýǵanstannan shyqqannan keıin Túrkııa Kabýl Hamıd Karzaı atyndaǵy halyqaralyq áýejaıdyń qaýipsizdigin qamtamasyz etýde jetekshi ról atqarady. Bul týraly Aq úıdiń ulttyq qaýipsizdik jónindegi keńesshisi Djeık Sallıvan málimdedi, dep habarlaıdy Egemen.kz.
Onyń aıtýynsha, tıisti kelisim Túrkııa prezıdenti Rejep Taıyp Erdoǵan men Amerıka Qurama Shtattarynyń prezıdenti Djo Baıdenniń Brıýsseldegi alǵashqy ekijaqty kezdesýi kezinde jasalǵan.
«Prezıdent Rejep Taıyp Erdoǵan qandaı da bir qoldaýdy qajet etetindigin aıtty jáne prezıdent Baıden mundaı qoldaý kórsetiledi dep ýáde berdi», dedi Sallıvan.
Onyń aıtýynsha, qazirgi kezde eki eldiń ókilderi prezıdentterdiń tapsyrmasy boıynsha kelisimdi júzege asyrýdyń egjeı-tegjeıin pysyqtap jatyr.