Sybaılas jemqorlyq derekterin aldyn alý jáne boldyrmaý maqsatynda Mańǵystaý oblystyq Dene shynyqtyrý jáne sport basqarmasynda komplaens qyzmeti engizildi, dep habarlaıdy Egemen.kz.
Bul týraly «Antikor» ortalyǵynda ótken efırde oblystyq dene shynyqtyrý jáne sport basqarmasynyń basshysy Qanat Jumabaev aıtty.
Endi komplaens qyzmetiniń sheńberinde basqarmada sybaılas jemqorlyq derekterin boldyrmaý sharalary turaqty júrgiziledi. Odan bólek, Dene shynyqtyrý jáne sport basqarmasyna baǵynysty mekemelerge sybaılas jemqorlyqqa qarsy is-qımyl sharalary aıasynda semınar, trenıngter ótedi.
«Budan bólek, basqarmanyń aldynda 2021 jyly oblysta sportpen shuǵyldanýshylar sanyn 35,4%-ǵa jetkizý mejesi tur. Sondaı-aq el Prezıdenti Qasym-Jomart Kemelulynyń tapsyrmasyna sáıkes, Mańǵystaýda jyl sońyna deıin 30 sport túrinen 60 seksııa ashylady.
Memleket basshysy ótken jylǵy joldaýynda buqaralyq sportqa, dene tárbıesine jáne balalarǵa basymdyq berý keregin, sonymen qosa, ár oblysta, iri aýdan ortalyqtarynda sport úıirmelerin ashý qajettigin aıtqan bolatyn. Osyǵan sáıkes, oblys ákiminiń baqylaýymen jarty jyl ishinde Mańǵystaýda 17 sport túrinen 39 úıirme ashyldy. Úıirmelerge qazirgi tańda 2 893 bala qatysyp jatyr», dedi Qanat Qoshqarbaıuly.
Qanat Jumabaev el Táýelsizdiginiń 30 jyldyǵy qarsańynda oblysta 24 sporttyq shara ótkizý josparlanǵanyn da atap ótti.