Mádenıet jáne sport vıse-mınıstri Nurǵısa Dáýeshovtyń sózinshe, 2020 jyly elimizde alǵash ret 5 mádenıet uıymyna Prezıdent Jarlyǵymen «Ulttyq» mártebesi berilgen, dep jazady Egemen.kz.
Olardyń ishinde M. Áýezov atyndaǵy Qazaq memlekettik akademııalyq drama teatry, Abaı atyndaǵy Qazaq memlekettik akademııalyq opera jáne balet teatry, M.Lermontov atyndaǵy Memlekettik akademııalyq orys drama teatry bar.
«Búgingi kúni Qazaqstanda 65 teatr qyzmet atqarady, onyń 53-i memlekettik teatr. Táýelsizdik jyldary elimizde 22 memlekettik teatr ashylyp, Oral, Qaraǵandy, Qostanaı, Nur-Sultan, О́skemen, Shymkent, Taldyqorǵan, Túrkistan qalalarynda 9 teatrǵa zamanaýı jańa ǵımarat salyndy. 2020 jyly Nur-Sultan qalasynda Mýzykalyq jas kórermender teatry ashylsa, Qalıbek Qýanyshbaev atyndaǵy memlekettik akademııalyq mýzykalyq-drama teatry respýblıkalyq deńgeıge ótip, ujym jańa ǵımaratqa kóshti. Sonymen qatar, Túrki áleminiń astanasy retinde resmı túrde moıyndalǵan Túrkistan qalasynda aǵymdaǵy 2021 jyly Túrkistan mýzykalyq-drama teatry ashylyp, arnaıy salynǵan jańa ǵımaratta óz jumysyn bastady», dedi vıse-mınıstr.
Onyń aıtýynsha, Táýelsizdiktiń 30 jyldyǵyn merekeleý jónindegi jalpy respýblıkalyq árbir shara ulttyq mádenıetti ilgeriletýge jáne dástúrlerdi jańǵyrtýǵa, salaýatty ómir saltyn nasıhattaýǵa baǵyttalǵan.