Premer-mınıstrdiń orynbasary Eraly Toǵjanov koronavırýstyń úndi shtamyna baılanysty Qazaqstanda karantın kúsheıtilýi múmkin ekenin aıtty, dep habarlaıdy Egemen.kz.
Onyń aıtýynsha, Qazaqstandaǵy sanıtarlyq-epıdemıologııalyq jaǵdaı turaqty, alaıda Nur-Sultanda úndi shtamy tabyldy degen kúdik bar.
«Vırýstyń reprodýktıvti ındeksi 1-ge teń, biraq biz álemde jáne shekaralas elderde jaǵdaıdyń qandaı ekenin kórip otyrmyz. Iаǵnı, koronavırýstyń jańa shtamdary tez taraıdy. Nur-Sultanda skrınıng júrgizildi, sondyqtan munda Alekseı Soı delta-shtamm (úndi shtamy) baryn aıtty. Osyǵan baılanysty óńir ákimderi ahýaldy baqylaýǵa alýy tıis. Búgingi tańda VAK otyrys ótkizip, Nur-Sultan qalasynda jáne basqa da óńirlerde sanıtarlyq-epıdemıologııalyq talaptardy kúsheıtý jónindegi sharalardy qaraıdy», dedi Toǵjanov Úkimet otyrysynda.
Ol adamdar kóp jınalatyn jerlerde qashyqtyq saqtalýy kerek ekenin de aıtty.
«Adamdar jeke qorǵanys quraldaryn qoldanýy kerek, sonymen qatar barlyq aımaqta monıtorıngtik toptardyń jumysyn kúsheıtý qajet, al qoǵamdyq oryndarǵa kelgender qorǵanys sharalaryn qatań saqtaýy tıis. Sondaı-aq Ashyq qosymshasy boıynsha ótińizder. О́ńir ákimderi, barlyq memlekettik organ osy jaǵdaıdy baqylaýy tıis», dedi Toǵjanov.