Majarstannyń Syrtqy ister jáne syrtqy baılanystar mınıstrliginde Qazaqstan Elshisi Jánibek Ábdirashov Memlekettik hatshynyń orynbasary Andrash Baranımen kezdesti. Kezdesýde eki el arasyndaǵy vaksınasııalaý sertıfıkattaryn/pasporttaryn ózara taný týraly verbaldy notalarmen almasty, dep habarlaıdy Egemen.kz.
Immýndaý sertıfıkattarynyń bolýy Covid-19 vırýsynyń taralýyn boldyrmaýǵa baǵyttalǵan shekteý sharalarynsyz (PTR test jáne karantın) eki el azamattarynyń Qazaqstan Respýblıkasyna jáne Majarstanǵa kirýine kepildik beredi. О́zara moıyndaý shekaralardy ashý jáne Býdapesht pen Nur-sultan arasyndaǵy tikeleı áýe qatynasyn jandandyrý boıynsha alǵashqy qadamdardyń biri bolyp tabylady.
Osylaısha, Majarstan Qazaqstandyq vaksınasııa sertıfıkattaryn/pasporttaryn moıyndaıtyn Eýropalyq Odaqtyń alǵashqy eli boldy.