Indetpen kúreste medısınalyq kómek irkilmeıdi

«Áleýmettik medısınalyq saqtandyrý qory» KeAQ Nur-Sultan qalasy boıynsha fılıalynyń dırektory Nurlybek Qabdyqaparovtyń aıtýynsha, elorda boıynsha 2021 jylǵa arnalǵan satyp alý jospary negizinde halyqqa medısınalyq kó­mek kórsetý úshin 17,2 mlrd teńge, onyń ishinde tegin kepil­dendirilgen medısı­nalyq kómek kólemi aıasynda 9,2 mlrd teńge, al medısınalyq saq­tandyrý paketindegi medı­sınalyq qyzmetterge 8 mlrd teńge qarastyrylǵan. Qazir­gi ýaqytta qor Nur-Sultan qalasy boıynsha 108 medısınalyq qyzmet jetkizýshimen kelisimshart jasady, onyń 71-i – jekemenshik klınıka. Jyl ótken sa­ıyn halyqqa medısınalyq qyzmet kórsetetin jekemen­shik qyzmet jetkizýshilerdiń úlesi artýda. Bul pasıent­tiń úzdik klınıkany tań­daýyna múmkindik beredi. Medısınalyq qyzmet jet­kizý­shiler tizimin qordyń fms.kz saıtynan qaraýǵa bolady. Aımaqtyq bólikte qaras­tyrsaq, Nur-Sultan qa­la­syndaǵy jekemenshik me­dısınalyq qyzmet jetkizý­shi­lerdiń úlesi – 66%.

Áleýmettik medısınalyq saqtandyrý qory Sovid-19 jáne vırýstyq pnevmonııamen kúresýge jumyldyrylǵan medısına qyzmetkerlerine qosymsha aqy tóleýdi jal­ǵastyrýda. Elordada 2021 jyldyń 5 aıynda osy indet­pen kúresýde aıanbaı kómek kórsetken 22 517 medısına qyz­metkerine 8,9 mlrd teńge­den asa ústemeaqy tólendi.

Áleý­mettik medısınalyq saqtan­dyrý qory elorda fı­lıaly­nyń dırektory eńbek jaǵ­daı­larynyń qaýiptilik dárejesine baılanysty me­­dı­­sına qyzmetkerlerin kóter­­meleý somasy 20, 10 jáne 5 ETJ quraıtynyn, eń joǵary mólsherleme ın­fek­­­sııalyq stasıonarlar men reanımasııalardyń dári­gerlerine, orta jáne kishi medısınalyq personalyna, provızorlyq sta­sıo­narlardyń qyzmet­ker­lerine, jedel medısına­lyq kómektiń, onyń ishinde MSAK janyndaǵy dárigerler men feldsherlerge, eń tómen mólsherleme karantındik stasıonarlardyń, shu­ǵyl stasıonarlar men MSAK uıym­darynyń qabyl­daý bólim­­sheleriniń qyzmet­ker­lerine, zerthanalardyń mamandaryna, sanıtarlyq-epıdemııalyq qyzmettiń qyzmetkerlerine berilgenin atap ótti.

Osyǵan sáıkes qaýiptiń 1-toby boıynsha 8 861 qyz­metkerge 5,7 mlrd teńge somasynda (bir qyzmetkerge 850 000 teńge), qaýiptiń 2-toby boıynsha 5 456 qyzmetkerge 2 mlrd teńge somasynda (bir qyzmetkerge 425 000 teńge), qaýiptiń 3-toby boıyn­sha 8 200 qyzmetkerge 1,3 mlrd teńge somasynda (bir qyzmet­kerge 212 500) ústemeaqy tólen­di.

– Osy jerde aıta keteıik, Áleýmettik medısınalyq saqtandyrý qory qarjy operatory rólin atqarady. Eger medısına qyzmetkerinde ústemeaqy esepteý boıynsha suraqtar týyndasa, jedel shtab janyndaǵy óńirlik komıs­sııaǵa júginý qajet. О́ńirlik komıssııalar aı sa­ıyn ústemeaqy alýshylardyń tizimin jasaıdy jáne olardy ÁMSQ-na jiberedi. Komıssııa quramyna О́ńirlik bas mem­lekettik sanıtarlyq dári­ger, Áleýmettik medısı­na­lyq saqtandyrý Qory fı­lıalynyń, jergilikti den­saýlyq saqtaý basqarma­synyń jáne qoǵamdyq uıym­dardyń ókilderi kiredi. Nur-Sultan qalasy boıynsha koronavırýs ınfeksııasy­men kúres aıasyndaǵy is-sharalardy qar­jy­lan­dyrý­dyń jalpy somasy 2021 jyldyń 5 aıynda 16,38 mlrd teńgeni qurady, dedi N.Qabdyqaparov.

Jıyn barysynda ol koronavırýs ınfeksııasy jáne pnevmonııamen aýyrǵan elorda turǵyndary medısınalyq kómekti medısınalyq saq­tandyrý júıesindegi már­tebesine qaramastan tegin alatynyn atap ótti. Qor elimizdegi ońaltý sharalaryn, onyń ishinde kovıdpen aýyr­ǵannan keıingi ońaltý sharalaryn damytýdy barynsha qoldaıdy, bul qaýipti sozylmaly aýrýlardyń erte satyda damýynyń aldyn alýǵa múmkindik beredi. Áleý­­mettik medısınalyq saqtandyrý qorynyń Nur-Sultan qalasy boıynsha fılıaly ońaltý qyzmetterin kórsetetin 45 medısına uıy­mymen kelisimshart jasa­ǵan. Olardyń ishinde jeke­menshik 20, memlekettik 22, respýblıkalyq 3 medısına uıymy bar.

Jalpy, medısınalyq ońaltý úsh kezeńnen tura­dy. Birinshisi, aýrýy asqy­nyp turǵan naýqastar­ǵa, hı­rýr­gııalyq operasııa ja­­sat­qan, jaraqat alǵan adam­darǵa arnalǵan. Bul stasıo­narlardyń qurylym­dyq bólim­shelerinde júrgiziledi. Eger pasıentti aýrýhanaǵa jatqyzý qajet bolmasa, medı­sınalyq kómek kór­setil­gennen keıin jáne negizgi aýrý emdelip bolǵannan keıin pasıent ońaltýdyń ekinshi nemese úshinshi kezeńine ji­beriledi. Ońaltýdyń ekinshi kezeńi mamandandyrylǵan bólimshelerde nemese respýb­lıkalyq densaýlyq saqtaý uıymdary, mamandandy­ryl­ǵan ońaltý ortalyqtary men kópbeıindi stasıonarlar bazasynda ótedi. Bul kezeń aýrý bastalǵan sátten bastap toǵyz aı ishinde júrgizilýi qa­jet. Kýrstyń uzaqtyǵy men jıiligi nozologııaǵa, naýqas­tyń densaýlyq jaǵdaıyna, taǵy da basqa faktorlarǵa baılanysty. Úshinshi kezeńde medısınalyq ońaltý emhana-ambýlatorııa deńgeıinde, kúndizgi jáne táýlik boıǵy stasıonarlarda, ońaltý or­talyqtarynda, shıpajaılar men kýrorttarda, úıdegi stasıo­nar jaǵdaıynda, son­daı-aq qashyqtan júrgiziledi. Kýrstyń jıiligi men uzaqtyǵy pasıenttiń densaýlyǵyna qaraı belgilenedi.

Koronavırýs ınfeksııasymen nemese ortasha, aýyr jáne asa aýyr deńgeıdegi pnev­monııamen aýyrǵan pasıent­ter Medısınalyq saqtan­dyrý qorynyń qa­rajaty esebinen ońaltýdan óte ala­dy. Azamattar úıinde em­del­di me, álde aýrýhanada emdel­di me, oǵan qara­maı­­dy. Medısı­nalyq ońal­­týǵa joldama reabı­lı­tolog mamannyń qaty­sýy­men aýrýhananyń nemese em­hananyń mýltıdıssıp­lınarlyq komandasynyń qorytyndysy boıynsha beriledi. Ońaltý qajettigin baǵamdaý barysynda mynadaı kórsetkishter tekseriledi: tynys alý organdarynyń qyzmeti (satýrasııa deńgeıi, KT/rentgenografııadaǵy óz­geris­ter), kúndelikti ómirge qabileti (Bartel ındeksi). Elordada 2021 jyldyń 5 aıyn­da 3,23 mlrd teńgeden asa somaǵa (onyń ishinde kúndizgi stasıonarlarda – 35 584, táýliktik stasıonarlarda – 131 924) ońaltý qyzmetteri kórsetildi. Ambýlatorııalyq-emhanalyq deńgeıde 204 mln teńge somasyna 252 001 qyzmet kórsetildi.

Indettiń jeńil túrimen aýyrǵan naýqastar PTR-test nátıjesine qaramastan, tek emdeýshi dárigeriniń taǵaıyndaýy boıynsha ystyq túsiretin dáriler men antıkoagýlıanttardy ózi tirkelgen emhanadan ala alady. MÁMS júıesi, medısınalyq kómek alý, taǵy da basqa suraq týyn­da­ǵan jaǵdaıda Qordyń elorda­lyq fılıalyna 1406 baılanys ortalyǵy nemese Qoldau 24/7 mobıldi qosymshasy, Telegram-daǵy SaqtandyryBot, Qordyń fms.kz saıty arqyly ha­barlasýǵa bolady.