О́kinishke qaraı, indettiń jyldam taraıtyn taǵy bir túriniń paıda bolýy, megapolıstiń epıdemııalyq ahýalyn ózgertti. Sondyqtan árkim ózin saqtandyrýy tıis. Mysaly, №36 qalalyq emhanada 99 jastaǵy altyn qursaqty Batyr ana Zaǵısha Chalova ekpe aldy. 12 balanyń anasy, 15 nemereniń ájesi reseılik Spýtnık V preparatyn tańdady.
«Bul – meniń jeke sheshimim. Bul indet meni de, týystarymdy da aınalyp ótse deımin. Balalarymnyń barlyǵy ekpe alyp qoıǵan. Qazir ózimdi jaqsy sezinemin, eshqandaı jaısyzdyq bolǵan joq. О́zimdi nashar sezingen joqpyn, ári qaraı da osylaı bolady dep úmittenemin», deıdi ájemiz.
Ekpe naýqany bastalǵannan beri Naýryzbaı aýdanynda 27 myńnan asa adam ekpe saldyrsa, onyń 40%-y №36 qalalyq emhanada alǵan.
Aýdan boıynsha ekpe alǵandardyń arasynda vaksınadan soń esh asqynýlar oryn almaǵan.
«Eldi mekende vaksına alǵysy keletinderdiń sany kóbeıip jatyr. Ár azamat bekitilgen jerine qaramastan qaladaǵy qalaǵan emhanada vaksına ala alady. Kúndelikti bizdiń emhanaǵa koronavırýs ınfeksııasynan vaksına alýǵa 150-200 shaqty adam keledi», deıdi №36 qalalyq emhananyń bas dárigeri Gúljaınat Tilegen.
ALMATY