Búgin QR Prezıdenti Qasym-Jomart Toqaev Buqaralyq aqparat quraldary qyzmetkerleriniń kúnimen quttyqtady. Onda Memleket basshysy 1 qazandy Radıo qyzmetkerleri kúni dep resmı bekitýdi usyndy, dep habarlaıdy Egemen.kz.
«Sońǵy kezde radıo qyzmetkerleriniń kásibı merekesi joq ekeni jıi aıtylyp júr. Men Qazaq radıosynyń 100 jyldyǵy aıasynda 1 qazandy Radıo qyzmetkerleri kúni dep resmı túrde bekitken jón dep sanaımyn. Elimiz berekeli birlik pen yrysty yntymaqtyń arqasynda ósip-órkendeı tússin! Jýrnalıster jaǵymdy jańalyǵymen jurtshylyqty qýanta bersin! Barshańyzǵa shyǵarmashylyq shabyt, tolaǵaı tabys tileımin!», dep túıindeıdi QR Prezıdenti.