Almaty qalasynyń bas sanıtar dárigeriniń koronavırýs ınfeksııasynyń taralýyna qarsy karantın shekteýin kúsheıtý týraly qaýlysy shyqty, dep habarlaıdy Egemen.kz.
Meıramhana, kafe jáne kofehana túrindegi qoǵamdyq tamaqtaný obektileri úı-jaıdyń ishinde jumys kúnderi 7.00 den 20.00 deıin toltyrylýy 50%-ǵa deıin, biraq 30 orynnan asyrmaı jumys isteıdi. Senbi jáne jeksenbi jumysyna tyıym salynady, tek qana alyp shyǵý jáne jetkizýge ruqsat beriledi;
Jazǵy alańdar, toltyrylýy 50%-ǵa deıin, biraq 50 orynnan asyrmaı saǵat 07.00 den 22.00 deıin jumys isteýine ruqsat;
Sán ortalyqtary men salondary, shashtaraz, kosmetologııa qyzmetin kórsetetin manıkıýr men pedıkıýr qyzmetteri aldyn ala jazylý boıynsha qyzmet kórsetýine ruqsat;
Saýnalar, SPA ortalyqtary, basseınder, sport keshenderi, sport-saýyqtyrý ortalyqtary jáne ıoga ortalyqtaryn qosa alǵanda fıtnes-ortalyqtary senbi, jeksenbi kúni jumys istemeıdi;
HQKO saǵat 9.00 den 18.00-ge deıingi ýaqyt boıynsha shekteýmen, qonaq úıler, sanatorıı-kýrort uıymdary, demalys úıleri/týrısttik bazalar jáne t. b. toltyrylýy 80%-dan aspaıtyn kezde ruqsat;
Bankter, «Qazposhta» AQ bólimsheleri 9.00 den 18.00-ge deıin ýaqyt boıynsha shekteýmen jumys isteıdi;
Sonymen qatar:
– Saýda úıleri, saýda jelileri vaksınasııa pýnktiniń bar-joǵyna qaramastan jumys kúnderi saǵat 17.00-ge deıin (senbi, jeksenbi kúnderi tyıym salynady);
– Úı-jaıdaǵy oıyn-saýyq, buqaralyq is-sharalar, konferensııalar, forýmdar, otbasylyq, estelik is-sharalar (toı, mereı-toı, as berýdi ótkizý) tyıym salynady;
– Túngi jáne oıyn klýbtarynyń jumys isteýine ruqsat etilmeıdi.
– Ashyq jobasyna qatyspaıtyn nysanda kórermenderi bar sporttyq is-sharalardy ótkizýge tyıym salyndy.
– Ashyq jobasyna qatyspaıtyn mádenı obektilerdiń, jeke, toptyq daıyndyqtardy qosa alǵanda kınoteatrlardyń, teatrlardyń, konsert zaldarynyń, fılarmonııalardyń qyzmetine ruqsat joq:
Qaýly 28 maýsymda saǵat 00:00-den bastap zańdy kúshine enedi.