Nur-Sultan qalasynyń ákimi Altaı Kólginov vaksına alýǵa nıetti turǵyndardyń sany kúrt artqanyn málim etti, dep habarlaıdy Egemen.kz.
«Qabyldanǵan sharalardyń nátıjesinde vaksına alýǵa nıet bildirgenderdiń sany 5 esege artty. Eger mamyr aıynyń ortasynda kúnine 1000-1500 adam vaksına alsa, maýsym aıynyń qazirgi kúnderi 7 myńnan astam adam egilýde. Stasıonlarlarda dári-dármek pen medısınalyq qural-jabdyqtardyń jetkilikti qory qalyptastyrylǵan», dedi ákim Úkimet otyrysynda.
Sondaı-aq ol qalada syrqattaný deńgeıiniń ósýin vırýstyń «delta» shtamynyń tirkelýimen baılanystyrdy.
«COVID-19 indetin juqtyrǵan adamdardyń sany mamyr aıynda 10 myńnan asqan bolsa, maýsym aıynyń basynda birshama turaqtalyp, 2 myń jaǵdaıǵa deıin azaıǵan bolatyn. Alaıda maýsym aıynyń ortasynan bastap vırýstyń «delta» shtamynyń anyqtalýyna baılanysty aýrýdyń kúrt ósýi baıqaldy», dedi Altaı Kólginov.