Qazaqstan Elshiliginde Qurmetti konsýldyń patentin jáne «Dongil Highvill» Ońtústik Koreıalyq kompanııasynyń prezıdenti Ko Dong Hıon myrzaǵa ekzekvatýra tapsyrý rásimi ótti, dep habarlaıdy Egemen.kz.
Onyń negizgi qyzmeti azamattarymyzdyń quqyqtaryn qorǵaý jónindegi jumysty kúsheıtýge, sondaı-aq ekonomıka, mádenıet, bilim jáne ǵylym salasyndaǵy yntymaqtastyqty damytýǵa járdemdesýge baǵyttalatyn bolady.
Qurmetti konsýldyqtyń ıýrısdıksııasyna Chhýnchhonnam-do, Chhýnchhonbýk-do, Chhollanam-do, Chhollabýk-do, Kıongsannam-do, Kıongsanbýk-do jáne Kanvon-do provınsııalary kiretin bolady.
Aıta keteıik, Qurmetti konsýldyq – ózi ókildik etetin eldiń memlekettik qyzmetinde turmaı, sol eldiń jáne onyń azamattarynyń quqyqtary men múddelerin qorǵaýdy qosa, biraq vızalar men ózge de resmı qujattardy berýdi qospaǵanda, ókildik etetin memlekettiń tapsyrmasymen jáne sol eldiń kelisimimen aqysyz negizde keıbir konsýldyq mindetterdi atqaratyn Qurmetti (shtattan tys) konsýl basqaratyn mekeme.