NASA NEO Surveyor dep atalatyn jańa teleskopty iske qospaq. Atalǵan qurylǵy jerge tikeleı baǵyt alǵan asteroıdtar men kometalardy anyqtamaq.
Uzyndyǵy 6 metr bolatyn teleskop ınfraqyzyl sáýleler arqyly astronomdarǵa Jer orbıtasynan 48 mıllıon kılometr qashyqtyqtaǵy asteroıdtar men kometalardy tabýǵa kómektesedi. Ǵalymdardyń paıymdaýynsha, osyndaı qadam arqyly yqtımal qaýiptiń betin qaıtarýǵa múmkindik arta túspek. Jospar boıynsha NEO Surveyor 2026 jyly iske qosylmaq.«NEO Surveyyor NASA-nyń Jerge qaýip tóndirýi múmkin asteroıdtar men kometalardy tabý múmkindigin arttyrady. Ol dıametri 140 metrden úlken asteroıdtardyń 90 paıyzyn anyqtaı alady», dedi NEO Surveyor baǵdarlamasyna atsalysyp júrgen ǵalym Maık Kellı.NASA-nyń alys-jaqyn qashyqtyqtaǵy asteroıdtar men kometalarǵa alańdaýy beker emes. Máselen, 1908 jyly Sibirge alyp asteroıd qulaǵan edi. Sonyń saldarynan shamamen 2000 sharshy shaqyrym jerdegi búkil orman jermen-jeksen bolǵan. Tipti onyń áserin 50-60 shaqyrym jerdegi eldi mekender de qatty sezingen. Sondyqtan NASA ǵalymdary osyndaı alyp asteroıdtyń jerge taǵy qulamaýy úshin baryn salmaq. Bul maqsatta Kún júıesinde ushyp júrgen asteroıdtar men kometalardy anyqtaýǵa kiristi. 2010 jyly NASA dıametri 1000 metrden asatyn Jerge jaqyn obektilerdiń 90 paıyzyn tapty. Sodan keıin agenttik dıametri 140 metrden úlken asteroıdtar men kometalardy izdeýge kiristi. Qazirge deıin NASA mundaı obektilerdiń 40 paıyzyn taýyp úlgergen.